مملكة خدماتك

مملكة خدماتك

نورت ألمنتدى يآ  
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 الزجل /مصطفي حسني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فارس المساعد
Admin


عدد المساهمات : 71
السٌّمعَة : 0
تاريخ التسجيل : 08/02/2011

مُساهمةموضوع: الزجل /مصطفي حسني   الأربعاء فبراير 09, 2011 10:06 am

ياما طلع منا تصرفات وسلوكيات غلط

أخلاق مترضييش ربنا وكلام زي الزلط

وكل ما نيجي نصلح سلوك يرجع ويتكرر

قلنا لازم نعمل وقفة ومن عيوبنا نتحرر

فكرنا لقينا السلوك دايما بيتولد

لما المفهوم بيترسخ في العقل ويتوجد

والمفهوم ده كان أصله فكرة جنب فكرة

مع موقف حصل لي واتسجل كأنه ذكرى

وعندنا مشكلة بتحصل اسمها التعميم

موقف حصل لي مرة فقلت الدنيا كلها كده ...واتكونت المفاهيم

وركز معايا في الكلام اللي بيتقال

واساعدك يا صاحبي ...هضرب لك كام مثال

ناس كثير واخدة فكرة وحشة عن الدين

واقتنعوا بالفكرة لما شافوا بعض المتدينين وحشين

قالوا فين المسلمين الصح؟! وفين راحوا الصالحين؟!

واخد بالك يا صاحبي من مشكلة التعميم؟

كله زي كله وبكده تتكون المفاهيم

واحد تاني فاكر انه شخص تعيس

فشل مرة في حياته واستسلم لأفكار إبليس

والتاني قاعد على القهوة بيغني بيقول "يا بطالة"

فاهم ان البلد نايمة مع ان في ناس كتير شغالة!!

وواحد يائس وحزين ومحدش عارف يكلمه

أصل ذنوبه كثير، كان فاهم ان ربه مش هيرحمه

بصيت في ديننا لقيت الموضوع ده قديم

حتى إبليس كان عارفه وبقى يشتغل على المفاهيم!!

وقال لربنا هزين لهم الدنيا ولأغونيهم أجمعين

وهخلي الصح غلط، والغلط صح عشان يبقوا متلخبطين

فجِه سيدك النبي وفهمنا معنى الدين

ورتب للناس عقولها بعد ما ضاعت سنين

سيدك مُحمد فهمك لو عايز تبقى في القيامة جنبه

عامل أخوك بحنية وأوعى تجرح له قلبه

خلاني أفكر في الناس اللي حواليا

وأفهم ان ديني حقوق ليا وحقوق عليا

فاكرين دعوة صاحبه الصدّيق

اللي كان بيمشي معاه في كل طريق؟

يا رب وريني الحق حق وخليني أمشي عليه

ووريني الباطل باطل ولو كل الناس نصحوني بيه

يا صاحبي الموضوع كله في تظبيط العقول

اعرض مفاهيمك على كلام ربك وطريق الرسول

واحرس عقلك يا صاحبي وخد بالك منه

لأنك بكره هتقابل ربك ويسألك عنه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://serarab.hooxs.com
المحترف المصرى



وسامات العضو وسام الشهر

عدد المساهمات : 107
السٌّمعَة : 0
تاريخ التسجيل : 09/02/2011
العمر : 22
الموقع : www.4arb.in

مُساهمةموضوع: رد: الزجل /مصطفي حسني   الجمعة فبراير 11, 2011 5:35 am

شكراااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الزجل /مصطفي حسني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة خدماتك :: القسم العام :: الركن الإسلامى-
انتقل الى: