اهمية اللعب في حياة الطفل

يا جماعه الموضوع مهم جدا ولازم نهتم وعدم اهماله دايما
احنا بننظر للطفل علي انه حد لازم ياكل كتير علشان يكبر وياكل وينام ولو
عمل حاجه غلط يتبهدل . ليه هوه ده مش طفل زي اي بني ادم لازم نهتم بيه .
علي فكره الطفل ده عنده شغل مش فاضي يعني , عارفين الشغل ده ايه؟ الشغل ده
هوه اللعب اهم حاجه في حياة الطفل . الطفل اللي احنا فاكرينه مش بيفهم اي
حاجه ممكن يكون بيفهم اكتر من اي حد . الطفل ممكن يقضي اكتر من اربع ساعات
في اللعب دون ان يدري . علي فكره مش شرط يكون لعب الطفل مع العب البلاستيك
لكن ممكن ان يلعب الطفل في اي حاجه في البيت وممكن يكسر ويخرب والام والاب
يضربوه ويهزاوه دون ان يدروا ان هذاجزء من عمل الطفل . التخريب والتكسير ده
دليل علي ذكاء الطفل وانه محب للاكتشاف وفي مقوله مهمه جداجداجدا عن اهمية
اللعب في حياة الطفل وهي (ما الطفل طفل الا ليلعب وما اللعب لعب الا لكل طفل)
علي فكره يا جامعه المقوله دي ممكن تفتكروها مش مهمه لكنها مهمه وخطيره
جدا جدا. علي فكره انا مش بقول الكلام ده دون معرفه . انا خريجة رياض اطفال
وفاهمه انا بقول ايه ولازم نهتم بالموضوع ده . واي احد يريد ان يستفسر عن
الموضوع ده انا موجوده. جزاكم الله كل خير.